ယွန်း (ကျော်ရဲအောင်၊စိုးမြတ်သူဇာ၊ခင်လှိုင်၊သန္တာဗိုလ်)

ယွန်း
#ရုပ်ရှင်မိတ်ဆက်
#MoviesForMyanmar

Taken (2009) Spoiler Alert........

လုပ်ချလိုက်ပြန်ပြီတို့မြန်မာကားတွေကတော့။ ဒီဇာတ်ကားကိုရေးတဲ့ ဇာတ်ညွှန်းဆရာ၊ ဒါရိုက်တာ၊ တည်းဖြတ်တို့ကတော့ တကယ်တော်တယ်ဗျာ။ ကျွန်တော် ပုဂ္ဂိုလ်ရေးအရ တိုက်ခိုက်တာမဟုတ်ပါဘူး။ အခု ရေးမယ့် ဝေဖန်ရေးစာကို အဆုံးထိ သေချာဖတ်စေလိုပါတယ်။ ကျွန်တော် မြန်မာကားတွေကို ကြည့်လေ့မရှိပေမယ့် ဒီကားကိုတော့သေချာကြည့်မိပါတယ်။ ဘာလို့လည်းဆိုတော့ ဒီကားက နာမည်ကြီး အက်ရှင်ဇာတ်လမ်း Taken ကို မြန်မာ ဗာရှင်း ပြန်ရိုက်ထားတာဖြစ်တာရယ်၊ ကျွန်တော် ငယ်ငယ်တုန်းကကြိုက်ခဲ့တဲ့ ကိုကျော်ရဲအောင် ပါတယ်ဆိုတာရယ်ကြောင့်ပါ။



ယွန်း ဇာတ်ကားမှာ ကျော်ရဲအောင်၊ စိုးမြတ်သူဇာတို့က အဓိက ပါဝင်သရုပ်ဆောင်ထားပါတယ်။ ကျော်ရဲအောင်ရဲ့ သမီးအဖြစ် သန္တာဗိုလ်က သရုပ်ဆောင်ထားပြီး၊ ခင်လှိုင်ကတော့ မိန်းကလေးတွေကို ဖျားယောင်းသွေးဆောင်ရတဲ့ သူအဖြစ်သရုပ်ဆောင်ထားပါတယ်။ဒီဇာတ်ကားမှာ မင်းသားကျော်ရဲအောင်နဲ့ ဇာတ်ပို့ခင်လှိုင်တို့ကလွဲရင် သရုပ်ဆောင်တွေရဲ့သရုပ်ဆောင်ချက်က တော်တော်ကိုညံ့ပါတယ်။ စိုးမြတ်သူဇာ သရုပ်ဆောင်ရတဲ့ဇာတ်ရုပ်က မူလ ဇာတ်ကားမှာ သမီးကိုအလိုလိုက်တဲ့ မိခင်၊ ခင်ပွန်းဟောင်းကို စိတ်အနှောက်အယှက်ပေးတဲ့ မိန်းမမျိုးဖြစ်ပေမယ့် စိုးမြတ်သူဇာမှာ ဒါမျိုးမတွေ့ရပါဘူး။ သန္တာဗိုလ်ရဲ့ ဇာတ်ရုပ်က စပ်စလူးထတဲ့ မိန်းကလေးမျိုးဖြစ်ပေမယ့် ဒီမှာတော့ မျက်နှာသေကြီးနဲ့သရုပ်ဆောင်ထားတာတွေ့ရပါတယ်။ ကျွန်တော် အဓိကပြောချင်တာက သရုပ်ဆောင်တွေမဟုတ်ပါဘူး။ ဇာတ်ညွှန်းပါ။ 
ဇာတ်ညွှန်းရေးတဲ့သူက ကောင်းပြီးသားပြီးပြည့်စုံပြီးသားဇာတ်လမ်းကို စုတ်ပြတ်သတ်ထွက်သွားအောင်ရေးထားကိုပဲ အံသြလို့မဆုံးပါဘူး။ အင်္ဂလိပ်ကားကို ကြည့်တုန်းက ဇာတ်လမ်းကို အပြည့်အ၀ နားလည်ရဲ့လားလို့တောင် ထင်မိပါတယ်။ ဘာလို့လည်းဆိုတော့ 
ပထမဆုံးအခန်းမှာ တင်ပဲ သမီးလေးရဲ့မွေးနေ့မှာ အဖေက လက်ဆောင်ပေးတော့ အင်္ဂလိပ်ကားက “Thank You, Dad” လို့ ပြောပါတယ်။ မြန်မာကားကလည်း “ကျေးဇူးပါဖေဖေ” လို့လိုက်ပြောပါတယ်။ ဒီနေရာမှာ မြန်မာမိသားစုတွေအနေနဲ့ အဖေကို ကျေးဇူးတင်ပါတယ်လို့ ပြောတာ မရှိသလောက်ရှားပါတယ်။ “ဖေကြီးကချစ်ဖို့ကောင်းတယ်” “ဒါမှဒို့ဖေကြီးကွ” စတဲ့ သုံးနေကြစကားလုံးတွေသုံးရင်တောင်ကြည့်ကောင်း ပါသေးတယ်။ 
နောက်တစ်ခုက မင်းသမီးကို လူဆိုးတွေ သူ့တို့တည်းနေတဲ့ အိမ်မှာလာဖမ်းတဲ့အခန်းပါ။ ဒီနေရာမှာ အင်္ဂလိပ်ကားမှာ ကောင်မလေးရဲ့အဖေက သူ့သမီးကို ဖုန်းထဲကနေ သေသေချာချာ တစ်ဆင့်ချင်း ညွှန်ကြားပါတယ်။ ကုတင်အောက်မှာပုန်းဖို့ရယ်၊ နောက် လူဆိုးတွေ အဖမ်းခံရမှဖြစ်ကြောင်းရှင်းပြပြီး အဖမ်းခံရရင် ဖုန်းကို ကုတင်အောက်မှာထားခဲ့ဖို့၊ လူဆိုးတွေရဲ့ ထင်ရှားတဲ့အမှတ်အသား၊ ဆေးမှင်ကြောင် ပုံစံစတာတွေကို အော်ပြောဖို့ မှာပါတယ်။ တစ်ဖက်မှာလည်းသူ့အဖေက သမီးနဲ့ပြောတာကို အစအဆုံး အသံသွင်းထားပါတယ်။ အဲ့နောက်မှာ သူ့သမီးအော်ပြောသွားတာတွေရော လူဆိုးတွေအချင်းချင်းပြောတဲ့အသံကိုရော CIA ကသူ မိတ်ဆွေတွေကို ပို့ပေးပြီး လူဆိုးတွေအကြောင်း ကို သိအောင်လိုအရင်လုပ်ပါတယ်။ မြန်မာကားမှာတော့ အဖေကသမီးကိုဘာမှမညွှန်ကြားပဲနဲ့ သမီးက အဖမ်းခံရချိန်မှာ တစ်ခါတည်း ရှိသမျှအကုန်ရွတ်တော့တာပဲ။ “အဖေကြီးအကုန်ကြားတယ်” သမီးက “သူတို့ထွက်သွားပြီထင်တယ်” လို့ပြောတုန်း အဖမ်းခံရတာပါ။ သူအော်သွားတာ အင်္ဂလိပ်ကားထဲက ဆေးမှင်ကြောင်အမှတ်အသားနဲ့တောင် ဆင်ဆင်လေးတူသေးတယ်။ နောက် ကျော်ရဲအောင်က မိန်းမအိမ်ရောက်သွားပြီး သူ့ဆီကို ဘယ်ကမှန်းမသိရဲ့ ရဲတစ်ယောက်က ဖုန်းခေါ်ပြီးပြောပါတယ်။ (ဘာပြောလည်းဆိုတာလည်းသေချာမကြားရပါဘူး၊ အသံက၀ါးတားတားနဲ့ပါ။) 
ဒီမှာပြောစရာရှိတာက တော့ မြန်မာကားရဲ့ မဟာအမှားကြီးပါ။ Taken မှာ မင်းသားက CIA ကစုံထောက်ဟောင်းလို့ ဇာတ်လမ်းမှာကိုပါပါတယ်။ မြန်မာကားကရော ကျော်ရဲအောင်က အရင်က ဘာလုပ်ဖူးလည်း သူရဲ့ရာဇ၀င်သေသေချာချာမပါပါဘူး(ကျွန်တော်ပဲ ကျော်သွားလို့လားတော့မသိဘူး)။ နောက်ပြီးတော့လည်း ကျော်ရဲအောင် ကိုယ်ခံပညာတတ်ကြောင်းလည်း အဖြစ်လောက်ပဲပြပြီး နောက်ဆုံးမှာ လူဆိုးဂိုဏ်းတစ်ခုလုံးနဲ့ ချခိုင်းပါတယ်။ အဖြစ်လောက်ဆိုတာ တစ်ခန်းမှာ မူးရူးကွဲပြဲနေတဲ့ အမူးသမား နှာဘူးသုံးယောက်ထဲက တစ်ယောက်ကို လက်သီးနဲ့ ထိုးတာပဲပြလို့ပါ။ 
နောက်ထပ်ပြောစရာရှိတာက လူဆိုးနဲ့ မင်းသား စကားပြောတဲ့ ဇာတ်ဝင်ခန်းပါ။ အင်္ဂလိပ်ကားက ဖုန်းပြောနေရင်းနဲ့ အဖမ်းခံရပြီးတော့ လူဆိုးက ဖုန်းကိုရှာတွေ့လို့ကိုင်လိုက်ပါတယ်။ အဲ့ဒီမှာ မင်းသားကပြောပါတယ် “I don't know who you are. I don't know what you want. If you are looking for ransom, I can tell you I don't have money. But what I do have are a very particular set of skills; skills I have acquired over a very long career. Skills that make me a nightmare for people like you. If you let my daughter go now, that'll be the end of it. I will not look for you, I will not pursue you. But if you don't, I will look for you, I will find you, and I will kill you. “ လူဆိုးကတစ်ခွန်းထဲ ပြန်ပြောသွားပါတယ်။ “Good Luck” လို့။ 
မြန်မာကားကလည်း လုပ်ပါတယ်။ ကိုကျော်ရဲအောင်က “ဟေ့ရောင်တွေ မင်းတို့ဘယ်သူဆိုတာငါမသိဘူး။ သိလည်းမသိချင်ဘူး။ အေးမင်းတို့လုပ်ရမှာ ငါ့သမီးကိုအခုချက်ချင်းပြန်လွှတ်ပေး။ ငါ့သမီးပြန်လွှတ်ပေးရင် မင်းတို့ပြသ၁နာဒီမှာတင်ပြီးသွားလိမ့်မယ်။ ဒီမှာမင်းတုိ့ပိုက်ဆံလိုချင်တယ်ဆိုရင်တော့ ငါမင်းတို့ကိုပေးစရာတစ်ပြားမှမရှိဘူး။ ငါ့သမီးကိုပြန်မလွှတ်ပေးဖူးဆိုရင်တော့ မင်းတို့ ကိုယ့်သေတွင်းကိုသာတူးထားကြပေတော့” တဲ့။ လူဆိုးကလည်း “အေးကံကောင်းပါစေဗျာ”တဲ့။
အင်္ဂလိပ်ကားက မင်းသားက ငါကအရင်တုန်းကစုံထောက်၊ မင်းတို့လိုကောင်တွေကိုငါရှင်းလာတာ၊ မင်းတို့ငါ့သမီးကို လွှတ်ပေးရင် ငါမင်းတို့ကိုပြသ၁နာမရှာဘူး။ မဟုတ်ရင်တော့ မင်းကို ငါတွေ့အောင်ရှာမယ်။ မင်းတို့ကို သတ်ပစ်မယ်လို့ ခြိမ်းခြောက်တာပါ။ လူဆိုးကလည်း မထီမဲ့မြင်နဲ့ အေးမင်း တွေ့အောင်ရှာနိုင်ရင် ရှာကွာဆိုတဲ့သဘောနဲ့ ရွဲ့ပြီး Good Luck လို့ပြောတာပါ။ မြန်မာကားမှုသေချာပြန်ပြုရရင် လူဆိုးက “ကံကောင်းပါစေလို့ပြောမယ့်အစား၊” ကျော်ရဲအောင်က မင်းတို့ကောင်တွေကိုယ့်သေတွင်းကိုတူးထားလို့ပြောတဲ့အခါမှာ စိန်လိုက်လေလို့ပြောတာနဲ့တူတူပါပဲ။ ဒါကို အင်္ဂလိပ်ကားဘာသာပြန်လုပ်လိုက် တာကတော့ တော်တော်ရုပ်ဆိုးပါတယ်။
အင်္ဂလိပ်ကားက မင်းသားက Good Luck ဆိုတဲ့အသံကို ဖမ်း၊ Albanian ဘာသာနဲ့ရေးပြီးတော့၊ လူဆိုးတွေဆီကိုလာဘ်စားနေကျ ရဲအယောင်ဆောင် ပြီးသွားတွေ့၊ သူ့သမီးကို ဖမ်းသွားတဲ့ခေါင်းဆောင်လို့ထင်ရတဲ့ လူကို Albanian ဘာသာနဲ့ရေးထားလို့ ဘာသာပြန်ပေးပါလို့ ညာပြီး ဘာသာပြန်ခိုင်း၊ အဲ့ဒီမှာ အဲ့ကောင်က Good Luck လို့ပြောတာကိုနားထောင်၊ သူ့တစ်ယောက်ကိုပဲ အရှင်ထားပြီး ကျန်တဲ့သူအကုန်သတ်၊ အဲ့ဒီခေါင်းဆောင်ကို ဖမ်းနှိပ်ဆက်ပြီး သမီးအကြောင်းကို ရအောင်စုံစမ်းတာပါ။

ခြုံပြီးပြောရရင် ကမ္ဘာ့ထိပ်တန်းအက်ရှင်ကား ၁၀ ကားစာရင်းဝင် ကားကိုတစ်ကားလုံး ဒဲ့ကော်ပီကူးထားတာပါ။ ဒါပေမယ့်လည်း ဘာသာပြန် ဒိုင်ယလော့ခ်တွေ၊ မြန်မာမှု အပြုလွဲတာတွေ၊ နိုင်ငံကျော်လက်သီးထိုး၊ နားရင်းအုပ် အက်ရှင်တွေနဲ့ ရိုက်ထားတာဖြစ်လို့ ဘယ်လိုမှကို ခံစားလို့မရတဲ့ကားပါ။ တစ်ကားလုံးမှာ အကောင်းပြောစရာရှိတာ ကတော့ ကျရာနေရာက သရုပ်ဆောင်ရတဲ့ ကျော်ရဲအောင်နဲ့ ခင်လှိုင်ပါပဲ။ သူတို့နှစ်ယောက်အနေနဲ့ ဒီဇာတ်ကားကို ရိုက်ဖို့တောင်မသင့်ပါဘူး။ 

ခပ်ညံ့ညံ့ကော်ပီကားတစ်ကားပါ။

#Sololay

http://www.shweo.net/myanmar-videos/play/3897
ကြည့်ရန်လင့်ခ်ပါ။