ရုပ်ရှင်ကို ခံစားကြည့်ရှုခြင်း

ရုပ်ရှင်ကို ခံစားကြည့်ရှုခြင်း

ပေ့ခ်ျစထောင်တာ ၄လနီးပါမှာ ပရိတ်သတ် ၁၇၀၀ ကျော်သွားပါပြီ။ ဒီထဲကမှ ကျွန်တော့်ပိုစ်တွေကို အမြဲတမ်းအားပေးနေတာ ၂၀ ကျော်လောက်ရှိပါတယ်။ ကျွန်တော် အခု တင်မယ့် အကြောင်းအရာ ကလည်း ရုပ်ရှင်ချစ်ပရိတ်သတ်တွေအတွက် အကျိုးရှိအောင်၊ ကျွန်တော် ပေ့ခ်ျထောင်ရတဲ့ ရည်ရွယ် ချက်ထဲက ရုပ်ရှင် ကောင်းတွေ ရွေးချယ်ကြည့်တတ်လာအောင် သိသလောက်ပြောပြပေးမှာ ဖြစ်ပါတယ်။

(အခုပြောသွားမယ့်အကြောင်းအရာကလည်း  ကျွန်တော့်ရဲ့ ကိုယ်တွေ့နဲ့ ယှဉ်ပြီးပြောထားတာ ဖြစ်လို့ လူတိုင်း အတွက် မမှန်နိုင်ပါဘူး။ ကျွန်တော် ဘယ်စာအုပ် စာပိုဒ်ကို မှ ကိုးကားပြီး ပြောတာမဟုတ်ပါဘူး။)

ရုပ်ရှင်တစ်ကား၊ စာအုပ်တစ်အုပ်၊ ဇာတ်လမ်းတစ်ခုကို ကြည့်တဲ့၊ ဖတ်တဲ့ အခါမှာ အရေးကြီးဆုံး အချက် ၂ချက်ရှိပါတယ်။ ပထမအချက်က ဇာတ်လမ်းရဲ့ အဓိက အကြောင်းအရာ နဲ့ ဒုတိယတစ်မျိုးကတော့ ဇာတ်လမ်းကရတဲ့ သင်ခန်းစာ (Message) ပါ။

ဇာတ်လမ်းရဲ့အကြောင်းအရာ

ဇာတ်လမ်းတစ်ခုကို ကြည့်လို့ အဆုံးထိပြီးသွားတဲ့အခါမှာ ဒီကားရဲ့ အဓိကအကြောင်းအရာက ဘာလည်း ဆိုတာ နားလည်ရပါမယ်။ ဒီနေရမှာ ဇာတ်လမ်း တစ်ခုလုံးကို ခြုံပြီးနားလည်ဖို့ လိုသလို သူဘာကို ပြချင်တာလည်း၊ ဒီဇာတ်ဝင်ခန်းက ဒီဇာတ်ကားမှာ ဘာလို့ ပါတာလည်း၊ ဒီဇာတ်ဝင်ခန်းမပါရင်ရော ဇာတ်ကားရဲ့ အနှစ်သာရပြောင်းသွားမှာလား ဆိုတာ ကို စဉ်းစားဖုိ့လိုလာပါတယ်။ တကယ်လို့သာ မလိုအပ်ပဲနဲ့ ဇာတ်ဝင်ခန်း အပိုတွေ စကားပြောခန်းတွေ ပါနေရင် ဒီကားက ဇာတ်ကားကောင်းတစ်ကား မဖြစ်ဖို့ များသွားပါပြီ။ 

ဒီနေရာမှာ ကျွန်တော့်အကြိုက်ဆုံး ဇာတ်ကားတွေထဲကတစ်ကားဖြစ်တဲ့ Taken နဲ့ မြန်မာ Remake ယွန်းကို ကျွန်တော် နှိုင်းယှဉ်ပြီးပြောသွားပါ့မယ်။ Taken မှာ ဇာတ်လမ်းအစ မှာ မင်းသားက သူ့ရဲ့သမီးကို ဘယ်လောက်ချစ်တယ်ဆိုတာ ပြထားသလို၊ သမီးရဲ့မွေးနေ့မှာ သမီးရဲ့ဓါတ်ပုံကို ရိုက်ပြီး နှစ်တိုင်း မွေးနေ့မှာရိုက်ထားတဲ့ပုံလေးတွေကို Album နဲ့ထည့်သိမ်းထားတယ်ဆိုပြီးပြထားပါတယ်။ နောက်ပြီး မင်းသားက ကိုယ်ခံပညာ ကျွမ်းကျင်ပုံကို ဇာတ်လမ်းအစမှ Body Guard အဖြစ်လုပ်ရတဲ့ ဇာတ်ဝင်ခန်းနဲ့ ပြထားပြီး၊ သူ့ရဲ့ CIA မှာ အတွေ့အကြုံ ရှိခဲ့တဲ့အကြောင်းကိုလည်း ပြထားပြီး၊ သမီးကို လိုက်ကယ် ရတဲ့အခါမှာတော့ သူ့ရဲ့ စုံထောက်ဘ၀အတွေ့အကြုံတွေ ပညာတွေ၊ ကိုယ်ခံပညာကျွမ်းကျင်မှု တွေကြောင့် သမီးကို ကယ်တင်နိုင်ခဲ့ပါတယ်။

မြန်မာကားမှာ မင်းသားဖြစ်သူက အရင်ကဘာအလုပ်လုပ်မှန်း သေသေချာချာမပြ၊ ကိုယ်ခံပညာတတ်ကြောင်းကို Fight Scene နဲ့သေချာမပြသလို၊ အင်္ဂလိပ်ကားက Body Guard နေရာနဲ့ Fight Scene ကိုမြန်မာကားက၊ သမီးဖြစ်သူ ပါတီမှာ ညမိုးချုပ်သောင်းကြမ်းနေလို့ လိုက်ခေါ်ရပြီး၊ အဖေ တစ်ယောက်လုံးရှေ့မှာတောင် သမီးကို လိုက်ပြီးကြောင်တဲ့ အမူးသမားလူငယ်သုံးယောက်နဲ့၊ လမ်းမှာ ထပ်အတွေ့ အမူးလွန်နေတဲ့ ကောင်လေးကို လက်သီးနဲ့ ထိုးလိုက်တဲ့ အခန်း အဖြစ်ပြထားပါတယ်။ ဒါမျိုးက လူတိုင်း ထိုးလို့ရသလို၊ သုံးယောက်လုံးက (Over Acting) နဲ့ အမူးလွန်နေသူတွေဖြစ်ပါတယ်။ ဒါအပြင် မြန်မာလူငယ် သုံးယောက်က အဖေရှေ့မှာ သမီးကို ကြောင်တယ်ဆိုတာ သိပ်ယုတ်တိမရှိသလို၊ အဖေရဲ့ကားကို လမ်းမှာပိတ်ရပ်ပြီး ထပ်ကြောင်တယ်ဆိုတာ ပိုယုတ္တိမရှိပါဘူး။ 

နောက်တစ်ခုက မင်းသမီးကို လူဆိုးတွေ သူ့တို့တည်းနေတဲ့ အိမ်မှာလာဖမ်းတဲ့အခန်းပါ။ ဒီနေရာမှာ အင်္ဂလိပ်ကားမှာ ကောင်မလေးရဲ့အဖေက သူ့သမီးကို ဖုန်းထဲကနေ သေသေချာချာ တစ်ဆင့်ချင်း ညွှန်ကြားပါတယ်။ ကုတင်အောက်မှာပုန်းဖို့ရယ်၊ နောက် လူဆိုးတွေ အဖမ်းခံရမှဖြစ်ကြောင်းရှင်းပြပြီး အဖမ်းခံရရင် ဖုန်းကို ကုတင်အောက်မှာထားခဲ့ဖို့၊ လူဆိုးတွေရဲ့ ထင်ရှားတဲ့အမှတ်အသား၊ ဆေးမှင်ကြောင် ပုံစံစတာတွေကို အော်ပြောဖို့ မှာပါတယ်။ တစ်ဖက်မှာလည်းသူ့အဖေက သမီးနဲ့ပြောတာကို အစအဆုံး အသံသွင်းထားပါတယ်။ အဲ့နောက်မှာ သူ့သမီးအော်ပြောသွားတာတွေရော လူဆိုးတွေအချင်းချင်းပြောတဲ့အသံကိုရော CIA ကသူ မိတ်ဆွေတွေကို ပို့ပေးပြီး လူဆိုးတွေအကြောင်း ကို သိအောင်လိုအရင်လုပ်ပါတယ်။

 မြန်မာကားမှာတော့ အဖေကသမီးကိုဘာမှမညွှန်ကြားပဲနဲ့ သမီးက အဖမ်းခံရချိန်မှာ တစ်ခါတည်း ရှိသမျှအကုန်ရွတ်တော့တာပဲ။ “အဖေကြီးအကုန်ကြားတယ်” သမီးက “သူတို့ထွက်သွားပြီထင်တယ်” လို့ပြောတုန်း အဖမ်းခံရတာပါ။ သူအော်သွားတာ အင်္ဂလိပ်ကားထဲက ဆေးမှင်ကြောင်အမှတ်အသားနဲ့တောင် ဆင်ဆင်လေးတူသေးတယ်။ နောက် ကျော်ရဲအောင်က မိန်းမအိမ်ရောက်သွားပြီး သူ့ဆီကို ဘယ်ကမှန်းမသိရဲ့ ရဲတစ်ယောက်က ဖုန်းခေါ်ပြီးပြောပါတယ်။ (ဘာပြောလည်းဆိုတာလည်းသေချာမကြားရပါဘူး၊ အသံက၀ါးတားတားနဲ့ပါ။) 
ဒီမှာပြောစရာရှိတာက တော့ မြန်မာကားရဲ့ မဟာအမှားကြီးပါ။ Taken မှာ မင်းသားက CIA ကစုံထောက်ဟောင်းလို့ ဇာတ်လမ်းမှာကိုပါပါတယ်။ မြန်မာကားကရော ကျော်ရဲအောင်က အရင်က ဘာလုပ်ဖူးလည်း သူရဲ့ရာဇ၀င်သေသေချာချာမပါပါဘူး(ကျွန်တော်ပဲ ကျော်သွားလို့လားတော့မသိဘူး)။ 

စကားပြောခန်းတစ်ခုမှာလည်း အင်္ဂလိပ်ကားက မင်းသားက ငါကအရင်တုန်းကစုံထောက်၊ မင်းတို့လိုကောင်တွေကိုငါရှင်းလာတာ၊ မင်းတို့ငါ့သမီးကို လွှတ်ပေးရင် ငါမင်းတို့ကိုပြသ၁နာမရှာဘူး။ မဟုတ်ရင်တော့ မင်းကို ငါတွေ့အောင်ရှာမယ်။ မင်းတို့ကို သတ်ပစ်မယ်လို့ ခြိမ်းခြောက်တာပါ။ လူဆိုးကလည်း မထီမဲ့မြင်နဲ့ အေးမင်း တွေ့အောင်ရှာနိုင်ရင် ရှာကွာဆိုတဲ့သဘောနဲ့ ရွဲ့ပြီး Good Luck လို့ပြောတာပါ။ မြန်မာကားမှုသေချာပြန်ပြုရရင် လူဆိုးက “ကံကောင်းပါစေလို့ပြောမယ့်အစား၊” ကျော်ရဲအောင်က မင်းတို့ကောင်တွေကိုယ့်သေတွင်းကိုတူးထားလို့ပြောတဲ့အခါမှာ စိန်လိုက်လေလို့ပြောတာနဲ့တူတူပါပဲ။ ဒါကို အင်္ဂလိပ်ကားဘာသာပြန်လုပ်လိုက် တာကတော့ တော်တော်ရုပ်ဆိုးပါတယ်။

ဒါတွေဘာလို့ပြောနေလည်းဆိုတော့ ကျွန်တော်တို့ မြန်မာလူမျိုးတွေတော်တော် များများက ရုပ်ရှင်ကို ရီရဖို့၊ အပျင်းပြေဖို့လောက်သာကြည့်ကြပြီး၊ အငြိမ့်ဆိုရင်တောင် လူပြက်ကိုပဲကြည့်ကြပါတယ်။ ရုပ်ရှင်တစ်ကားကို ကြည့်တဲ့အခါမှာလည်း မြန်မာကားပဲဖြစ်ဖြစ် အင်္ဂလိပ်ကားပဲဖြစ်ဖြစ် ကိုရီယားကားပဲဖြစ်ဖြစ်၊ ဇာတ်လမ်းပြီးသွားလို့ ဇာတ်လမ်းအကြောင်းမေးရင် အင်္ဂလိပ်ကားဆို မသိဘူး၊ ကိုရီးယားကားဆို ၀ါးတားတား၊ မြန်မာကားဆို (နဂိုထဲက ရည်ရွယ်ချက် မရှိတဲ့ကားတွေများတော့) ယောင်တောင်တာင် ပဲဖြစ်နေတတ်ပါတယ်။

ဒါကြောင့် ရုပ်ရှင်ကြည့်ရင် ဇာတ်ဝင်ခန်းတိုင်းကို နားလည်အောင်ကြည့်ပါ။ ဒါမှလည်း ဇာတ်လမ်းက အလိုအပို တွေရှိနေလား၊ ဟာကွက်တွေရှိနေလား၊ ဒီအခန်းကြောင့် ဒီဇာတ်လမ်းဖြစ်တယ်ဆိုတာကို သိအောင် ကြည့်မှ ဇာတ်ကားကောင်းလား မကောင်းလား သိနိုင်မှာပါ။ After Earth ကို မြန်မာ ပြည်က လူတစ်ချို့ ကောင်းတယ်လို့ ထင်နေကြတုန်းပါ။ After Earth မှာ မလိုအပ်တဲ့ Scene တွေအများကြီးပါသလို၊ ဇာတ်လမ်းက ရည်ရွယ်ချက်မရှိပါဘူး။ ဇာတ်လမ်းကောင်းတစ်ခုရဲ့ ဇာတ်ဝင်ခန်းတိုင်းက အရေးပါပါတယ်။ 

Man Of Steel မှာဆိုရင် Superman ဘာလို့ လေထဲပြန်နိုင်တယ်ကအစ၊ သူ့ရဲ့ကလေးဘ၀မှာ သူက လူအများနဲ့မတူပဲ ထူးခြားနေလို့ ၀ိုင်းအပယ်ခံရတာ ကအလယ်၊ နောက်ဆုံး စစ်တပ်ကပါ သူ့ကို မယုံကြည်တဲ့ အကြည့်နဲ့ စောင့်ကြည့်တာကိုပါ အကွက်စေ့ရိုက်ပြထားပါတယ်။ အရင်တုန်းကလို Superman အင်္ကျီဝတ် လူတွေကိုကယ်တာနဲ့ လူတွေက ၀ိုင်းချစ်ကြတာမျိုးကနေခွဲထွက်လာပါပြီ။

ရုပ်ရှင်ကြည့်ရင်းရတဲ့ သင်ခန်းစာဆိုတာ Message (သင်ခန်းစာ) ဆိုတာက မကောင်းတာတွေပဲ ရိုက်ပြဦး ငါဒါမျိုးမလုပ်သင့်ဖူးဆိုတာကို ရအောင် ယူသွားနိုင်ရပါမယ်။ ဇာတ်ကား ကောင်းတိုင်း ပရိတ်သတ်ကို Message တစ်ခုခု ချန်ပေးခဲ့ပါတယ်။ ဇာတ်ကောင်တွေရဲ့ စကားပြောနဲ့မဟုတ်ဘူးနော်။ ဇာတ်လမ်းအကြောင်းအရာ၊ ဇာတ်ဝင်ခန်းတွေနဲ့ Message ပေးတာဖြစ်ပါတယ်။ Taken ရဲ့ အဓိက မက့်ဆေ့ခ်ျက မိဘစကားနားမထောင်တဲ့ လူငယ်တွေအတွက်ရယ်၊ လူကြီးမပါပဲ နိုင်ငံ၇ပ်ခြားခရီးသွား တာ အန္တာရာယ်များတယ်ဆိုတာရယ်၊ မသိတဲ့ နေရာက မသိတဲ့သူကို မယုံမိဖို့ရယ် အဓိက ပြထားပါတယ်။ မြန်မာကားက တော့ ဘာမှန်းကို သေချာမသိပါဘူး။ Superman ဆိုရင်လည်း ပေးသွားတဲ့ message တွေများပါတယ်။ ရအောင် ယူဖို့ပဲ လိုပါတယ်။ ချောရတနာရဲ့ ဥ ဆိုရယ် ဘာ ကို ဆိုလို မှန်းတောင်မသိပါဘူး။ အရိုးရဲ့ သီချင်းမှာထဲက ဘာအဓိပ္ပာယ်မှန်းကို နားမလည်တာပါ။ ဒါကို ရုပ်ရှင် ပြန် ရိုက်လိုက်သလို ဒါရိုက်တာကို အကယ်ဒမီပေးလိုက်ပါသေးတယ်။

ရုပ်ရှင်ကြည့်တဲ့နေရာမှာအက်ဒမင် #Jisu ကိုယ်တိုင်တောင် Terminal ဇာတ်ကားရဲ့ အဓိက အခန်းဖြစ်တဲ့ မင်းသား နဲ့ လေဆိပ်တာဝန်ခံ ပြသ၁နာ စတက်တဲ့ အကြောင်းကို Review ထဲမှာထည့်မရေးထားပဲ၊ လေဆိပ်တာဝန်ခံက စေတနာကောင်းကောင်းနဲ့ Asylum ခံလို့ရ အောင်လုပ်ပေးတယ်လို့ ပထမက ရေးထားပါတယ်။ တကယ်က စေတနာ ကောင်းလို့ မဟုတ်ပဲ မင်းသားကို သူ့တာဝန်ပေ့ါသွားအောင် မောင်းထုတ်ချင်တာဖြစ်ပါတယ်။ ကျွန်တော်ကိုယ်တိုင်လည်း ရုပ်ရှင်တွေရဲ့ အဓိကအကြောင်းအရာကို နားလည်မှုလွဲတာ တွေရှိပါတယ်။ ၂ခါလောက်ပြန်ကြည့်မှ သဘောပေါက်တာတွေ အခါခါ ကြည့်မှ နားလည်တာ တွေရှိပါတယ်။

ဒါကြောင့် ရုပ်ရှင်တကားကို ကြည့်ရင် အစအဆုံးကြည့်ပါ၊ မလွတ်တမ်းကြည့်ပါ။ နားမလည် လိုက်ရင် ပြန်ကြည့်ပါ။ အက်ရှင်ကားဆို ဇာတ်လမ်းအစမှာ မင်းသားတော်ပုံ၊ မင်းသားရဲ့ ရာဇ၀င် ကိုပြလေ့ရှိသလို၊ လူဆိုးတွေ ဆိုးသွမ်းပုံ၊ လူဆိုးတွေမကောင်းမှုလုပ်ပုံတွေကို ပြလေ့ရှိပါတယ်။ (ဒါကြောင့်ကျွန်တော် Homefront ကို Review လုပ်တုန်းက ကြည့်နေကြ အက်ရှင်ကားတွေ အတိုင်း လို့ပြောခဲ့တာပါ။) Drama ကားတွေမှာက အချစ်ကားဆိုရင် တစ်ဖြည်းဖြည်းနဲ့ အဓိကဇာတ်ကောင်တွေရဲ့အကြောင်းကို ရှင်းပြသွားပါတယ်။ Adventure ဆိုရင် ဇာတ်လမ်းအစမှာထဲက ဇာတ်လမ်းရဲ့ အဓိက အကြောင်းကို ပြောထားပြီး၊ ဇာတ်လမ်းတ၀က်လောက်မှာ အလှည့်အပြောင်းတွေ ဖြစ်လာတတ်ပါတယ်။ Crime ဇာတ်ကားတွေက ဇာတ်ကောင်တွေရဲ့ ရာဇ၀င်က အဓိကမကျပါဘူး။ ဇာတ်လမ်းထဲမှာ တရားခံ အရင် ပြထားရင် တရားခံ အစစ် မဖြစ်တတ်သလို၊ အစစ်ဖြစ်ခဲ့ရင် နောက်ထပ် လှည့်ကွက်တွေ လာဦးမှာပါ။ ဇာတ်ကားမှာများသောအားဖြင့် မင်းသားက မကောင်းတာ လုပ်မိသွားရင် အဆုံးမှာ တစ်နည်းနည်းနဲ့ ပြန်ခံရပါတယ်။

#Sololay